Eten digitala.

Aurreko sarreratan, argi geratu da, Teknologia Berriak ezinbestekoak bihurtu direla gure eguneroko bizitzan, bizi garen gizartean gero eta gehiago erabiltzen hasi garelako (norbaitekin kontaktuan egoterako orduan, albisteak emateko, erosketak egiteko, bidaiak antolatzeko...) Baina, toki guztietan ez dira berdin erabiltzen, badaudelako erabiltzen duten hiri, herri, pertsonak... eta ez dutenak erabiltzen. Horien arteko desberdintasunari, Eten digitala deituko diogu.

Dena den, aipatu beharra dago, gure gizartean Eten digital mota desberdinak daudela: ekonomikoa, teknologikoa, generazionala, psikologikoa, barruko etena, lanekoa, hezigarria, hizkuntzarena.... Goazen aipatutako eten batzuk modu labur batean azaltzen:

--- Eten ekonomikoa: eten mota hau azaltzerako orduan, bi tendentzia nagusi daude: biguna eta gogorra. Bigunari dagokionez, konpondu daitekeen arazo bakarra komunikatzeko teknologien azpiegitura da. Tendentzi gogorrena, errealistena dela esaten da. Bertan, esaten da, arazoa desberdintasuna soziala eta ekonomikoagatik dela esaten da.
--- Eten teknologikoa: teknologiak ez dira berdin erabiltzen egoera ekonomiko desberdinean dauden toki desberdinetan. Adibidez, New Yorken gehiago erabiliko dira, Afrikan baino.
--- Eten generazionala: argi dago, gazteek teknologia gehiago erabiltzen dituztela helduek baino. Honek, jaio direnetik, erabiltzen hasi egin direlako. Helduek ordea, honek ulertzeko eta erabiltzeko zailtasun handiak dituzte. Hau horrela dela dakigu, egindako inkesta batzuengatik. Nondik, argi ikusi daiteke gazteek hamar ordu inguru egoten direla teknologiak erabiltzen.
--- Genero etena: irakurritako artikuluan egindako inkesta batzuetaz ondoriozta dezakegu, gizonek emakumeek baino gehiago erabiltzen dituztela Teknologia Berriak. Hala ere, esan beharra dago, toki batzuetan, besteetan baino alde gutxiago dagoela. Adibidez, Suedian ez dago desberdintasun handirik, Italian, ordea, bai.
--- Eten psikologikoa: eskoletan oraindik ez dira Teknologia Berriak behar den moduan erabiltzen hasi, azalketa asko suposatzen duelako.
--- Hizkuntzaren etena: beste, eten guztietan gertatzen den moduan, hizkuntzarekin ere etenak gertatzen dira. Teknologia berrien hizkuntza ofiziala ingelesa da, horrek suposatzen du, ingeleseko ezagutza minimoa eduki behar dela honek ulertu eta erabili ahal izateko.
- --Azkenik, gure esparrura hurbilduz, eten hezitzailea daukagu: lehen aipatu dudan moduan, Teknologia Berriak gero eta gehiago erabiltzen hasi dira, egungo gizartean eskolara hedatuz. Hori dela eta, haurrak ez daude prestatuta honek erabiltzera eta ulertzera. Dena den, prestakuntza hori edukitzeko, lehenengo eta behin irakasleak prestatu beharko dira.


Azkenengo eten hau, guri dagokigun arazoa da. Beraz, zer egin daiteke arazo hau eskola esparruan konpontzeko? Zer proposatu dezakegu?

Argi dago, ikasleek Teknologia Berriak erabiltzen hasi behar direla inola zailtasunik eduki gabe, hori dela eta , eskola esparruan bi aldaketa nagusi egin behar dira. Alde batetik, hezitzaileak prestatu egin beharko dira. Bestetik, ikastetxeek metodologia aldatzeaz gain, hau aurrera eraman ahala izateko materiala eskuratu behar izango dute.

Nire ustez, testuan proposatzen diren aldaketak ezinbestekoak dira, baino argi dago, hau guztiau behar den moduan aurrera eramateko denboraz gain, baliabide ekonomikoak ere ezinbestekoak izango direla. Izan ere, aipatu behar dut, ikasturte honetan, eskoletan Teknologia Berriak erabiltzen hasi direla eta ez dutela inolako arrakastarik izan. Horren arrazoia,irakasleak ez daudela behar den moduan prestatuta da. Beraz, ez da nahikoa, ordenagailua erabiltzen jakitearekin, sarean azaltzen den informazioa sailkatzen eta aukeratzen ikasi beharko da.